Mońǵolııa Úkimeti oqýshylarǵa smartfon qoldanýǵa shekteý qoıdy
ASTANA. QazAqparat - Sársenbi kúni Mońǵolııanyń Mınıstrler kabıneti jalpy bilim berý mektepteri men basqa da oqý oryndary aýmaǵynda smartfondar qoldanýǵa shekteý qoıý týraly sheshim qabyldady. Úkimettiń bul qaýlysy osy jyldyń 1 qazanynan bastap kúshine enedi, dep habarlaıdy QazAqparat MONTsAME agenttigine silteme jasap.
Atap ótilgendeı, qazirgi tańda Mońǵolııada 8-17 jas aralyǵyndaǵy balalardyń 71,8 protsenti uıaly telefondy belsendi qoldanady. Onyń 54,6 protsentinde ınternet qosylǵan.
Ǵalymdar men dárigerler 12 jasqa tolmaǵan balalarǵa smartfon berýge bolmaıtynyn eskertýde. Sebebi, joǵary dáldiktegi elektromagnıttik sáýleler balalardyń densaýlyǵyna zııan keltiredi.
