Mońǵolııa tórt memleketpen dıplomatııalyq qatynas ornatty

ASTANA. KAZINFORM — Mońǵolııa Parlamentine BUU-ǵa múshe tórt memleketpen dıplomatııalyq qatynas ornatý týraly qaýly jobasy engizildi, dep habarlaıdy Montsame.

2025 jylǵy 27 maýsymda Mońǵolııanyń Syrtqy ister mınıstri Batmýnhıın Battsetseg Mońǵolııanyń Uly memlekettik Hýralynyń tóraǵasy Dashzegvıın Amarbaıasgalanǵa tórt memleketpen dıplomatııalyq qatynas ornatý týraly qaýly jobasyn usyndy.

Bul bastama 2013 jyly Mońǵolııanyń Ulttyq qaýipsizdik keńesiniń sheshimine sáıkes barlyq BUU-ǵa múshe memlekettermen dıplomatııalyq qatynas ornatý maqsatynda júrgizilgen jumystyń nátıjesi sanalady. Nátıjesinde Esvatını Koroldigi, Barbados Respýblıkasy, Trınıdad jáne Tobago Respýblıkasy jáne Botsvana Respýblıkasymen dıplomatııalyq qatynas ornatý týraly birlesken kommıýnıkege qol qoıyldy.

— Tıisti taraptarmen júrgizilgen jumys nátıjesinde bul tórt memleketpen dıplomatııalyq qatynas resmı túrde ornatyldy. Osylaısha, BUU-nyń 192 múshe memleketiniń barlyǵymen dıplomatııalyq qatynas ornatý maqsaty tolyǵymen oryndaldy, — dep atap ótti mınıstr Battsetseg.

Sondaı-aq, Syrtqy ister mınıstri Battsetseg Mońǵolııanyń barlyq BUU múshelerimen dıplomatııalyq baılanys ornatqan sanaýly elderdiń biri ekenin aıtyp, bul jetistik eldiń belsendi dıplomatııalyq qyzmetin, beıbitsúıgish, ashyq, táýelsiz jáne kópvektorly syrtqy saıasatyn kórsetetinin erekshe atap ótti.

Osyǵan deıin habarlanǵandaı, Qazaqstan men Mońǵolııa arasyndaǵy jol qashyqtyǵy 800 shaqyrymǵa deıin qysqarady.