Mońǵolııa ShYU-nyń kelesi múshesi bolady - QHR SІM

ASTANA. QazAqparat - Shanhaı Yntymaqtastyq uıymy (ShYU) janyndaǵy qadaǵalaýshy memleket mártebesinde 10 jyl bolǵannan keıin Mońǵolııa onyń kelesi múshesi bola alady. Bul týraly ShYU qurylǵanyna 13 jyl tolýyna oraı qabyldaýda sóz sóılegen QHR Syrtqy ister mınıstri Van I málimdedi, dep habarlady ITAR-TASS.

«Aldymyzda ShYU-ny damytýda keń perspektıvalar ashylýda. Qazirgi kezde uıymda 5 qadaǵalaýshy, 3 dıalog boıynsha áriptes bar. Qadaǵalaýshylyq birinshi mártebeni 10 jyl buryn Mońǵolııa alǵan. Qazir osy jaǵdaıǵa baılanysty Mońǵolııa premer-mınıstriniń joldaýy kelip tústi. Biz bul joldaýdyń mazmunymen ǵana tanys bolsaq ta, ony jaqsy belgi retinde baǵalaımyz. 10 jyl ótti. Endi Mońǵolııanyń ShYU-ǵa tolyqqandy múshe mártebesin alýǵa daıyndalý máselesin qaraıtyn kez keldi», - dedi qytaı mınıstri.

Qazirgi ýaqytta ShYU múshe Qazaqstan, Qyrǵyzstan, Qytaı, Reseı, Tájikstan jáne Ózbekstan bolyp tabylady. Qadaǵalýshylar mártebesi Aýǵanstan, Mońǵolııa, Úndistan. Iran, Pákistanda bar. Dıalog boıynsha áriptes - Belarýs, Túrkııa jáne Shrı-Lanka.