Mońǵolııa prezıdenti 2 myńnan astam oqýshymen birge óleń oqydy
ULANBATYR. QazAqparat - Mońǵolııa prezıdenti Haltmaagıın Battýlga ashyq alańda sap túzegen 2222 oqýshymen birge mánerlep óleń oqydy, dep habarlaıdy QazAqparat MONTsAME agenttigine silteme jasap.
Shara Sýhbaatara alańynda ótti. Onda Mońǵolııa basshysy birdeı kıim kıingen 2222 balanyń ortasynda turyp, atalmysh eldiń Eńbek Eri, qalamger Dendevıın Pýrevdorjanyń «Táýelsizdik» týyndysyn oqydy.
«Táýelsizdik» óleńin ult maqtanyshy etip jarııalaý maqsatyn tutqan is-shara, jastarǵa patrıottyq sezim jáne táýelsizdik túsinikterin uǵyndyrýǵa úlken septigin tıgizedi», - delingen aqparatta.
Aıta keteıik, Mońǵolııada bul shara dástúrli bolyp tabylady.
