Mońǵolııa men Qytaıdaǵy shańdy daýyl Tokıoǵa jetti

TOKIO. TASS – QazAqparat – Mońǵolııa men Qytaı jaqtan kelgen shańdy daýyl beısenbi kúni Tokıoǵa jetti. Bul týraly japon ulttyq meteorologııalyq basqarmasy málim etti, dep habarlaıdy QazAqparat TASS-qa siltememen.

Bul tabıǵı qubylys Tokıoda sońǵy ret 2021 jyldyń mamyrynda bolǵan.
Buǵan deıin birqatar Japonııa prefektýrasynyń, sonyń ishinde Nagasakı, Fýkýoký jáne Tottorı bıligi jergilik turǵyndardy jolda abaı bolýǵa shaqyrǵan edi. Budan bólek, turǵyndarǵa balkonda kıim keptirmeýge, balalarǵa kóshede oınamaýǵa, masqa taǵýǵa keńes berildi.
Meteorologter taıaý kúnderi shańdy daýyl Japonııanyń búkil aýmaǵyn basyp qalýy múmkin dep boljap otyr.
Buǵan deıin sársenbide Qytaı astanasyna shańdy daýyl kelgeni týraly habarlanǵan bolatyn, osyǵan baılanysty jergilikti bılik aýa raıy qaýpiniń «sary» deńgeıin jarııalady.