Mońǵolııa men Qazaqstan kelisimderdi júzege asyrý kezeńine ótti — Mońǵolııa Premer-mınıstriniń orynbasary
ASTANA. KAZINFORM — Mońǵolııanyń Premer-mınıstriniń orynbasary Nıamtaıshıryn Normtoıbaıar V Eýrazııalyq ekonomıkalyq forýmnyń plenarlyq otyrysynda Qazaqstan-Mońǵolııa qatynastarynyń damýy jóninde pikir bildirdi.
Ol bir aıdan astam ýaqyt buryn Mońǵolııa Prezıdenti Ýhnaagıın Húrelsúh Qazaqstanǵa memlekettik saparmen kelgenin eske saldy.
Joǵary deńgeıdegi kelissózder barysynda taraptar birqatar mańyzdy sheshimderge qol jetkizgen.
— Qol qoıylǵan qujattar men kelisimderdiń keıbiri eki aıdan keıin kúshine enetinin jáne biz olardy júzege asyrýǵa kirisetinimizdi atap ótkim keledi. Bul Mońǵolııanyń syrtqy saıasatymen tolyq úndesedi. Biz halyqaralyq saýdany ártaraptandyrýǵa jáne eksport naryqtaryn keńeıtýge tolyq beıilmiz, — dedi Mońǵolııa Premer-mınıstriniń orynbasary.
Aıta keteıik, sáýir aıynda Qazaqstan jáne Mońǵolııanyń memlekettik organdary men bıznes ókilderi 19 kelisimshartqa qol qoıǵan edi.
