Mońǵolııa MEF-2026 forýmyn ótkizýden bas tartty
ASTANA. KAZINFORM — Mońǵolııa úkimeti ekonomıkalyq forýmdy ótkizýdi keıinge qaldyrdy, dep habarlaıdy Montsame.
— 2026 jylǵy 29 sáýirde ótken Mınıstrler kabıneti otyrysynda aǵymdaǵy jyldyń 29–30 maýsymyna josparlanǵan «Mońǵol ekonomıkalyq forýmy» (MEF) is-sharasyn ótkizýdi toqtatý týraly sheshim qabyldandy, — delingen habarlamada.
Halyqaralyq geosaıası shıelenistiń kúsheıýi jáne jetekshi derjavalar arasyndaǵy saýda qaqtyǵystarynyń saldarynan jahandyq jetkizý tizbekteri buzylyp, shıkizat pen energııa tasymaldaýshylar baǵasy joǵary qubylmalylyq kórsetýde. Syrtqy ortanyń turaqsyzdyǵy eldiń makroekonomıkalyq turaqtylyǵyna qaýip tóndirip, ımport shyǵyndarynyń ósýi men ınflıatsııalyq qysymdy kúsheıtip keledi.
Mońǵolııa Úkimeti «Memlekettik únem týraly» zańǵa sáıkes ekonomıkalyq turaqtylyqty qamtamasyz etý úshin tıimsiz bıýdjettik shyǵyndardy qysqartyp, resýrstardy strategııalyq mańyzdy baǵyttarǵa shoǵyrlandyrý qajet dep tapty.
Buǵan deıin Qazaqstan men Mońǵolııa ózara taýar aınalymyn 500 mln dollarǵa jetkizetini habarlandy.
