Mońǵolııa Lenınniń eskertkishin aýktsıonǵa shyǵardy
ASTANA. 18 qazan. QazAqparat - Ulan-Batyrdyń bıligi qalanyń ortalyǵynda 60 jylǵa jýyq ýaqyt turǵan Lenın eskertkishin qaıta montajdady, dep habarlady «Interfaks-Qazaqstan» «AIST-Mońǵolııa» arnasyna silteme jasap.
Endi 1954 jyldyń 26 qarashasynda, Mońǵolııanyń táýelsizdigi jarııalanǵan kúni ornatylǵan eskertkish qalalyq múlik tiziminen shyǵarylyp, saýdaǵa qoıyldy.
Qala bıligi naqtylaǵandaı, 1954 jyly KSRO-nyń Kórkemdik qory syıǵa tartqan eskertkish aýktsıonda satylatyn bolady. Onymen qosa, alǵashqy satyp alýshylar habarlasyp ta úlgergen.
Telearnanyń habarlaýynsha, eskertkish turǵan oryn bos qalmaıdy. Ol jerde 2008 jylǵy halyq qozǵalysy qurbandarynyń qurmetine stela nemese 1941 jyly Ombyda jazalanǵan Mońǵolııanyń burynǵy premer-mınıstri Agdanbýýgıın Amarǵa eskertkish ornatylady dep kútilýde.
