Mońǵolııa qazaqtary Qazaqstannyń latyn qarpine kóshý qadamyn qoldady

BEIJІŃ-ULAN-BATYR. QazAqparat - Qazaqstannyń Mońǵolııadaǵy Elshiligi Ulan-Batyrda qazaq tilin latyn grafıkasyna negizdelgen álipbıge kóshirý máselelerine arnalǵan «dóńgelek ústel» uıymdastyrdy, dep habarlaıdy «QazAqparat» HAA-nyń Qytaıdaǵy menshikti tilshisi.

Qazaqstan halqy tilderi kúni aıasynda ótken sharaǵa Mońǵolııadaǵy qazaq dıasporasy, memlekettik organdardyń ókilderi, sondaı-aq shyǵarmashyl zııaly qaýym jáne belsendi qazaq jastary qatysty. Qazaqstannyń Mońǵolııadaǵy Elshisi Qalybek Qobylandın jınalǵandarǵa Qazaqstan Prezıdenti Nursultan Nazarbaevtyń «Qazaqstannyń úshinshi jańǵyrýy: jahandyq básekege qabilettilik» Joldaýy aıasynda júrgizilip otyrǵan reformalar týrasynda áńgimeledi.
 

Shara qatysýshylary Qazaqstandaǵy reformalarǵa, sonyń ishinde qazaq alfavıtiniń latyn grafıkasyna ótýine tilektestik bildirdi. Mońǵolııa Ǵylym akademııasynyń akademıgi, Dúnıejúzi qazaqtary qaýymdastyǵy alqasynyń múshesi Bákeı Aǵyparuly qazaq alfavıtiniń latynǵa kóshýi Qazaqstan úshin saıası mańyzǵa ıe ekendigin tilge tıek etti.

Sonymen qatar akademık latyn qarpine óterde qazaq áripteriniń tól erekshelikterine qatysty keıbir aspektilerdi egjeı-tegjeıli zertteý qajettigin basa aıtty.
 

Mońǵolııanyń eńbek sińirgen oqytýshysy Barýn Ardaq jáne «El birligi» qoǵamdyq keńesiniń atqarýshy dırektory Jeńisbek Qaırat latyn qarpine kóshý qazaqstandyqtarǵa ýaqyt pen progressıvti qoǵam múddeleriniń talaptaryn eskere otyryp, ulttyq erekshelikterimizdi saqtap qalýǵa múmkindik beredi degen ortaq pikir bildirdi. Osy oraıda Qazaqstanda monǵolııalyq qazaq muǵalimderi úshin jańa álipbıdi úıretý kýrstaryn uıymdastyrý máseleleri de qozǵaldy.