Mońǵolııa ımporty 1,1%-ǵa artty

ASTANA. KAZINFORM — Osy jyldyń alǵashqy jeti aıynda Mońǵolııa 6 480,8 mıllıon AQSh dollaryna taýarlar men shıkizat ımporttaǵan, dep habarlaıdy Montsame.

Bul ótken jyldyń sáıkes kezeńimen salystyrǵanda 69,6 mıllıon dollarǵa nemese 1,1%-ǵa artyq.

Import kóleminiń artýyna negizinen munaı ónimderi, jeńil jáne júk kólikteri, mehanıkalyq jabdyqtar men olardyń qosalqy bólshekteri, sondaı-aq áýe jáne sý kóligine qatysty elektr qurylǵylary sebep bolǵan.

Azyq-túlik ónimderi boıynsha osy kezeńde Mońǵolııa:

• 73,1 mln dana jumyrtqa,

• 31,7 myń tonna kúrish,

• 84,2 myń tonna kókónis ımporttaǵan.

Sonymen qatar elge:

• 479,6 myń tonna benzın,

• 991,4 myń tonna dızel otyny

• jáne 14 724 kólik quraly ákelingen.

Importtyń geografııasy boıynsha:

• 38,1% — Qytaı,

• 23,6% — Reseı,

• 12,7% — Japonııa,

• 4,3% — Ońtústik Koreıa,

• 4,1% — AQSh,

• 2,5% — Germanııa úlesinde.

Osy alty eldiń úlesine Mońǵolııa ımportynyń jalpy kóleminiń 85,4%-y tıesili.

Budan buryn habarlanǵandaı, Mońǵolııa prezıdenti Ýhnaagıın Hýrelsýh Uly Memlekettik Hýraldyń (Parlamenttiń) «Altyn–3» ulttyq naýqanyn iske asyrý týraly qaýlysynyń bir bóligin keri qaıtardy.