Mońǵolııa halqynyń sany 3,5 mıllıonǵa jetti

Mońǵolııa halqynyń sany 3,5 mıllıonǵa jetti. Ulttyq statıstıka komıteti buǵan deıin 22 qarashaǵa qaraı Mońǵolııa halqynyń jalpy sany 3,5 mıllıon adamǵa jetetinin habarlaǵan. Kazinform bul týraly MONTsAME agenttigine silteme jasap habarlaıdy.

«Mońǵolııa halqynyń sany 3,5 mıllıonǵa jetedi degen boljam sońǵy úsh jyldaǵy týý, ólim jáne halyqtyń tabıǵı qozǵalysyna negizdelgen», - dedi Mońǵolııa ulttyq statıstıka komıtetiniń halyq sanaǵy jáne turǵyn úı qory bóliminiń statısti B.Enhjargal.

Sońǵy úsh jylda orta eseppen ár jeti mınýt 16 sekýnd saıyn bir bala dúnıege kelip, 27 mınýt 46 sekýnd saıyn bir adam qaıtys bolady, al Mońǵolııa halqynyń sany ár toǵyz mınýt 55 sekýnd saıyn bir adamǵa artyp keledi eken.

— Bul úrdis 2023 jyly da jalǵasty dep eseptesek, 22 qarashaǵa deıin Mońǵolııa halqynyń sany 3,5 mıllıon adamǵa jetýi kerek edi. Búginde halyq sany 3,5 mıllıonnan asty, - dedi Enhjargal.

1962 jyly Mońǵolııa halqynyń sany 1 mıllıon bolsa, 1988 jyly el eki mıllıon, 2015 jyly úsh mıllıonǵa jetti. 2033 jyly 4 mıllıonǵa, 2048 jyly 5 mıllıonǵa jetedi degen boljam bar.