Mońǵolııa Eýroodaqtyń qara tiziminen shyqty
ASTANA. QazAqparat - 23 qańtarda Brıýsseldegi Eýropalyq odaqqa múshe elderdiń qarjy mınıstrleri qarjylyq ashyqtyqty qamtamasyz etýde jáne salyqtyq qylmystarmen kúres baǵytynda jetkilikti shara qoldanbaǵan memleketterdiń «qara tizimnen» keıbir elderdi shyǵarý jónindegi máseleni qarady, dep habarlaıdy MONTsAME.
Syrtqy ister mınıstrliginiń habarlaýynsha, Mońǵolııa Úkimeti Eýroodaq talaptaryn oryndaý maqsatynda aldaǵy eki jyl kóleminde eldegi salyq erejelerin ózgertemiz dep ýáde bergen.
«Endi Mońǵolııa men Eýroodaq elderi arasynda yntymaqtastyqty arttyryp alys-beris ornatýǵa eshqandaı kedergi joq»,- dep habarlaıdy Mońǵolııanyń Syrtqy ister mınıstrligi.
Qara tizimnen Mońǵolııadan basqa Ońtústik Koreıa, BAÁ sııaqty barlyǵy jeti memleket shyǵaryldy.
