Mońǵolııa Dúnıejúzilik jylqy kúnin alǵash ret halyqaralyq deńgeıde ótkizedi

Mońǵolııa Prezıdenti Ýhnaagıın Húrelsúhtiń bastamasymen jáne bul usynystyń BUU Bas Assambleıasynyń 79-sessııasynda qoldaý tabýynyń nátıjesinde jyl saıyn 11 shilde – Dúnıejúzilik jylqy kúni retinde atap ótiletin boldy. Bul sheshim mońǵol kóshpendileriniń baı mádenı murasynyń, sondaı-aq jylqynyń adamzat órkenıetiniń damýyna qosqan baǵa jetpes úlesiniń álemdik deńgeıde moıyndalǵanynyń jarqyn dáleli sanalady.

Bıyl Dúnıejúzilik jylqy kúni álemniń 55 elinde olardyń ulttyq erekshelikteri men dástúrlerine sáıkes atap ótiledi. Al Mońǵolııa osy tarıhı halyqaralyq merekeniń basty ortalyǵyna aınalady.

Mereke aıasynda ulttyq mádenı murany, at sporty men jylqy sharýashylyǵyna qatysty dástúrlerdi dáripteıtin halyqaralyq deńgeıdegi aýqymdy is-sharalar uıymdastyrylady.

Mońǵolııada 11–13 shilde aralyǵynda Húı Doloon Hýdag aımaǵynda ótetin Dúnıejúzilik jylqy kúnine arnalǵan is-sharalar baǵdarlamasy tómendegideı:

2026 jylǵy 10 shilde (juma)

• 07:00–11:00 – Úsh jasar jylqylardyń báıgesi;

• 11:00–12:00 – «Oıanǵan dala» kontserti (bas sahnada);

• 12:00–15:00 – Eki jasar taılardyń báıgesi;

• 15:00–16:00 – «Mońǵol qazynasy» kontserti (bas sahnada);

• 16:00–18:00 – Orta jastaǵy asyl tuqymdy jylqylardyń báıgesi.

2026 jylǵy 11 shilde (senbi)

• 07:00–11:00 – Aıǵyrlar báıgesi;

• 11:00–11:40 – «Avarga Mońǵol» ınstallıatsııasy men mádenı keńistiktiń tanystyrylymy;

• 11:40–13:00 – «Oıanǵan dala» kontserti;

• 12:00–15:00 – Bes jastan asqan jylqylardyń báıgesi;

• 14:30–15:30 – «Mońǵol qazynasy» kontserti;

• 15:30–16:00 – «Tańǵajaıyp at shoýy» (ortalyq alańda);

• 18:00–19:00 – «Tóńkerilgen úshburysh» bı spektakli.

2026 jylǵy 12 shilde (jeksenbi)

• 07:00–11:00 – Bes jasar jylqylardyń báıgesi;

• 11:00–13:00 – «Avarga Mońǵol» ınstallıatsııasy men mádenı keńistiktiń tanystyrylymy;

• 13:00–13:30 – «Tańǵajaıyp at shoýy»;

• 14:00–15:00 – «Oıanǵan dala» kontserti;

• 12:00–16:00 – Eki jasar taılardyń báıgesi;

• 16:00–17:00 – «Mońǵol qazynasy» kontserti.

At sporty alańynda:

• 14:00–15:00 – Jylqymen óner kórsetetin juptar saıysy;

• 15:00–16:00 – Balalar shabandozdary arasyndaǵy «Gııngoo» saıysy;

• 16:00–17:00 – Jylqyny jyrǵa qosatyn balalar baıqaýy.

2026 jylǵy 13 shilde (dúısenbi)

• 07:00–10:30 – Halyqaralyq at báıgesi;

• 11:00–11:40 – Dúnıejúzilik jylqy kúniniń resmı ashylý saltanaty;

• 11:40–13:00 – On myń salt attynyń saltanatty sherýi;

• 13:00–13:30 – Halyqaralyq at báıgesi jeńimpazdaryn marapattaý rásimi;

• 13:30–14:10 – Ulttyq kúres jarysy;

• 14:10–14:40 – Ulttyq Naadam merekesiniń jeńimpazdary men júldegerlerin marapattaý;

• 14:40–15:00 – At tsırki men kórkem kontsert;

• 15:00–17:15 – Ulttyq kúres jarysynyń jalǵasy;

• 17:15–17:45 – Barlyq jas sanatyndaǵy at báıgesi jeńimpazdaryn marapattaý;

• 17:45–18:00 – Ulttyq kúres saıysynyń fınaldyq kezeńi;

• 18:00–18:30 – Ulttyq kúres jeńimpazdaryn marapattaý rásimi;

• 19:00–21:00 – Dúnıejúzilik jylqy kúniniń jabylý saltanaty (arnaıy baǵdarlamamen).

At sporty alańynda:

• 08:00–17:30 – Jylqy ósirýshiler arasyndaǵy jarys;

• 14:30–17:00 – At ústinde sadaq atýdan jarys;

• 17:00–18:30 – «Mońǵol qyzy jáne jylqy» baıqaýy.

Budan buryn álemniń 56 eli Dúnıejúzilik jylqy kúni týraly qarardy qoldaǵanyn jazdyq. Bul qararǵa Aýstrııa, Bahreın, Brazılııa, Ońtústik Koreıa, Qytaı, Reseı, Germanııa, Venesýela, Portýgalııa, Taıland, Qatar, Japonııa, Túrkııa, Qyrǵyzstan jáne Qazaqstandy qosa alǵanda, 56 memleket qosyldy.