Mońǵolııa dalasynda kerqulan sany 160-qa jetti
ASTANA. KAZINFORM — Mońǵolııada joıylyp bara jatqan jabaıy jylqylardyń sany artty, dep habarlaıdy Montsame.
Mońǵolııadaǵy Homyn tal tabıǵı kesheniniń dırektsııasy Frantsııanyń Mońǵolııadaǵy Tótenshe jáne Ókiletti Elshisi Korınn Pereıra da Sılvanyń sapary týraly habarlady.
Dıplomat kerqulandardy (Prjevalskıı jylqylaryn) tabıǵı ortaǵa qaıta jersindirý baǵdarlamasynyń nátıjelerimen tanysty.
2004–2005 jyldary Frantsııanyń tahı jylqylaryn qorǵaý jónindegi TAKH qaýymdastyǵynyń bastamasymen Hom dalasyna Frantsııadan 22 kerqulandy jetkizilgen.
Qazir bul aýmaqtaǵy kerqulan sany shamamen 160 basqa jetti. Bul — Mońǵolııa men Frantsııanyń tabıǵatty qorǵaý jáne bıoalýantúrlilikti saqtaý baǵytyndaǵy yntymaqtastyǵynyń nátıjesi.
Qazirgi ýaqytta kerqulandardy tabıǵı ortaǵa qaıta jersindirý baǵdarlamalary Hýstaın-Nýrýý ulttyq saıabaǵynda jáne Úlken Gobı qatań qorǵalatyn aýmaǵynda da júzege asyrylyp jatyr.
Hom dalasy Gobı óńiriniń bıoalýantúrliligin saqtaýda mańyzdy ról atqarady. 2025 jyly bul aýmaq ıÝNESKO-nyń bıosferalyq rezervattarynyń dúnıejúzilik jelisine engizildi.
Uıymnyń málimetinshe, rezervattyń jalpy aýmaǵy 618 379 gektardy quraıdy.
Budan buryn Qazaqstan dalasynda dúnıege kelgen alǵashqy kerqulan (Prjevalskıı jylqysy) qulyndary endi Botaı jáne Tumar dep atalatynyn jazǵan edik.
