Mońǵolııa BUU Statıstıkalyq komıssııasynyń múshesi atandy
ASTANA. KAZINFORM — Mońǵolııa 8 sáýirde ótken BUU Ekonomıkalyq jáne áleýmettik keńesiniń (EKOSOS) 15-plenarlyq otyrysynda 2027–2030 jyldarǵa arnalǵan kezeńge BUU Statıstıkalyq komıssııasynyń quramyna saılandy, dep jazady Montsame.
Bul týraly eldiń Ulttyq statıstıka komıteti habarlady.
Mońǵolııanyń Komıssııa quramyna enýi halyqaralyq statıstıkalyq saıasatty qalyptastyrý protsesine belsendi qatysýǵa, jańa standarttar men ádisnamalardy ázirleýge úles qosýǵa, sondaı-aq ulttyq statıstıkalyq júıelerdi damytý boıynsha halyqaralyq úılestirýdi keńeıtýge, tájirıbe almasýǵa jáne áleýetti arttyrýǵa múmkindik beredi.
Aldaǵy ýaqytta Mońǵolııa BUU Statıstıkalyq komıssııasynyń jumysyna belsendi qatysyp, Turaqty damý maqsattaryna qol jetkizýdi baǵalaýǵa, tsıfrlyq derekterdiń qoljetimdiligi men sapasyn arttyrýǵa, resmı statıstıkadaǵy derekterdi basqarýdy damytýǵa, sondaı-aq dástúrli emes derekkózder men jasandy ıntellektti paıdalanýǵa úles qospaq.
Aıta keteıik, osydan buryn Qazaqstan da 2027-2030 jyldarǵa BUU Statıstıkalyq komıssııasynyń quramyna saılanǵanyn jazǵan bolatynbyz.