Mońǵolııa BUU Qaýipsizdik Keńesine kandıdatýrasyn usyndy
ASTANA. KAZINFORM — Mońǵolııa BUU Qaýipsizdik Keńesiniń turaqty emes múshesi bolýǵa nıetti, dep habarlaıdy Montsame.
BUU Bas Assambleıasynyń Nıý-Iorkte ótip jatqan 81-sessııasynyń jalpy pikirtalasyna qatysyp jatqan Mońǵolııa prezıdenti Ýhnaagıın Húrelsúh Mońǵolııanyń 2048–2049 jyldarǵa BUU Qaýipsizdik Keńesiniń turaqty emes músheligine saılaýǵa óz kandıdatýrasyn usynatynyn resmı túrde málimdedi.
Mońǵolııa basshysy jalpy pikirtalas barysynda eldiń halyqaralyq ózekti máselelerge qatysty ustanymy, syrtqy saıasattaǵy maqsattary men basym baǵyttary, sondaı-aq áleýmettik-ekonomıkalyq jaǵdaıy týraly sóz sóıledi.
— Mońǵolııa BUU reformasynyń ózeginde Qaýipsizdik Keńesin reformalaý bolýy kerek dep sanaıdy. Osyǵan baılanysty biz Qaýipsizdik Keńesiniń turaqty jáne turaqty emes músheleriniń sanyn arttyrý, damýshy elderdiń tıisti deńgeıde ókildik etýin qamtamasyz etý, sondaı-aq onyń qyzmetiniń ashyqtyǵy men jarııalylyǵyn qamtamasyz etý qajettigin qoldaıtyn prıntsıpti ustanamyz, — dedi Ýhnaagıın Húrelsúh.
Mońǵolııa — osy ýaqytqa deıin BUU Qaýipsizdik Keńesiniń turaqty emes múshesi bolyp saılanbaǵan 58 eldiń biri.
— Bizdiń elimiz BUU Qaýipsizdik Keńesiniń jumysyna belsendi qatysyp, halyqaralyq qoǵamdastyq aldynda turǵan problemalar, syn-qaterler men qıyndyqtardy birlesip sheshýge óz úlesin qosýǵa umtylady. Osyǵan baılanysty Mońǵolııanyń 2048–2049 jyldarǵa BUU Qaýipsizdik Keńesiniń turaqty emes músheligine saılaýǵa óz kandıdatýrasyn usynatynyn resmı túrde málimdeımin, — dedi Mońǵolııa prezıdenti.
Buǵan deıin habarlanǵandaı, Mońǵolııada memlekettik kásiporyndar sany 30%-ǵa qysqardy.
