Mońǵolııa bıligi óńir turǵyndarynyń astanaǵa kóshýine tyıym saldy
ASTANA. QazAqparat - Mońǵolııanyń Mınıstrler kabınetiniń májilisinde 2020 jyldyń 1 qańtaryna deıin turǵyndardyń el astanasyna kóshýine tyıym salyndy. Astanaǵa tek medıtsınalyq kómek alý, memlekettik qyzmetkerlerdiń astanaǵa qyzmettik issapary jáne Ulan Batyrdan baspana alý maqsatynda ǵana kelýge ruqsat etiledi, dep jazady MONTsAME.
Mońǵolııa astanasyna turǵyndar sanynyń shekten tys kóp artýynyń saldarynan qala turǵyndarynyń taza, qaýipsiz ortada ómir súrýge degen quqyqtary buzylyp keledi. Sonymen qatar qalada aýa lastanyp, tıisi normadan on ese artyp ketken. Kólik keptelisteri de úlken máselege aınalǵan. Osyǵan baılanysty Ulan Batyr qalasynyń meri S.Batbold 2018 jyldyń 1 qańtaryna deıin astanaǵa kóship kólýge tyıym salý qajet dep sheshken.
Statıstıkalyq málimetter boıynsha, 2017 jyldyń qarasha aıyna deıin astanaǵa turaqty turý úshin 9500 adam kóship kelgen. Bul aldyndaǵy jylmen salystyrǵand 11 myń adamǵa kóp.
Mınıstrler kabıneti el prezıdentiniń bastamasyn qoldap otyr.
