Mońǵolııa azamattary endi AQSh vızasyn alý úshin kepildik tóleýge mindetti
ASTANA. KAZINFORM — AQSh elshiligi Mońǵolııany AQSh vızasyna kepildik tóleý baǵdarlamasyna qosylǵanyn jarııalady, dep habarlaıdy Montsame.
Jańa baǵdarlamaǵa sáıkes, B1/B2 kategorııaly AQSh vızasyn alýǵa barlyq talapqa saı keletin Mońǵolııa azamattary vızany alý aldynda $15,000 AQSh dollaryna deıin (shamamen 54 mıllıon tógróg) kepildik tóleýge mindetti bolady.
Suhbat kezinde konsýldyq qyzmetker ótinish berýshiniń talaptarǵa sáıkestigin tekserip, kepildik tóleý jóninde nusqaýlyq beredi. Ótinish berýshilerge resmı konsýldyq nusqaýlarsyz eshqandaı tólemdi úshinshi tarap saıttary arqyly jasamaý usynylady.
B1/B2 vızasy Mońǵolııa azamattaryna kepildik tolyq tólengennen keıin ǵana beriledi. Bul talap ótinish beriletin elge qaramastan barlyq jaǵdaıda qoldanylady.
Osydan buryn Mońǵolııa 34 eldiń azamaty úshin vızasyz rejımdi jyl sońyna deıin uzartqanyn jazǵanbyz.
Sonymen qatar, 2025 jyldyń basynan beri Mońǵolııaǵa 851 931 sheteldik týrıst saparlaǵany belgili.
