Mońǵolııa ata-analar men muǵalimderdiń qatysýymen áleýmettik jeli toptaryn ashýǵa tyıym saldy
ASTANA.KAZINFORM - Jańa oqý jylynan bastap Mońǵolııanyń memlekettik mektepterinde áleýmettik jelilerdi paıdalanýǵa tyıym salynady, dep habarlaıdy Sınhýa.
Mońǵolııanyń bilim jáne ǵylym mınıstri Lývsantseren Enh-Amgalannyń aıtýynsha, jańa oqý jylynan bastap mektepterde muǵalimder, oqýshylar jáne olardyń ata-analarynyń qatysýymen ashylǵan áleýmettik jeli toptaryn ashýǵa tolyǵymen tyıym salynady.
Mońǵolııadaǵy eń tanymal áleýmettik jelilerge Facebook, Instagram jáne TikTok kiredi. Ásirese, muǵalimder Facebook-ti oqýshylarmen jáne olardyń ata-analarymen baılanysý úshin, sondaı-aq úı tapsyrmasyn jarııalaý úshin belsendi paıdalanady.
Bul shara balalardyń onlaın qaýipsizdigin jaqsartýǵa jáne olardyń ekran aldynda ótkizetin ýaqytyn qysqartýǵa baǵyttalǵan.
Buǵan deıin Frantsııada 15 jasqa deıingi balalarǵa áleýmettik jelini paıdalanýǵa tyıym salyndy.
