Mońǵolııa astanasynda kólik qozǵalysyna shekteý qoıyldy
ASTANA. KAZINFORM – Mońǵolııa astanasy Ulan-Batyrda 26 qyrkúıekte 14-jyl qatarynan ótkizilip kele jatqan Kóliksiz kún aktsııasy ótti, dep habarlaıdy MONTsAME.
Aktsııa aıasynda saǵat 07:00-den 18:00-ge deıin Ulan-Batyrdyń birqatar ortalyq kósheleri men qıylystarynda kólik qozǵalysyna shekteý qoıyldy.
Shekteý qoıylǵan aýmaqqa avtokóliktermen qatar elektr samokattar, mopedter, elektr velosıpedteri jáne «Sýr-Ron» úlgisindegi kólikter de kirgizilmedi.
Aktsııa kezinde 43 baǵyt boıynsha qatynaıtyn 448 qoǵamdyq kóliktiń baǵyty ýaqytsha ózgertildi.
Buǵan deıin janarmaı tapshylyǵy Mońǵolııany avtokólik nómirine qaraı benzın satýǵa májbúr etkeni habarlanǵan.
