00:50, 20 Sáýir 2026 | GMT +5
Mońǵolııa astanasynda halyqaralyq taǵam festıvali bastaldy
ASTANA. KAZINFORM —
Mońǵol jáne álemdik aspazdyq mádenıetti tanystyrýǵa baǵyttalǵan «UB Food Festival – 2026» halyqaralyq gastronomııalyq festıvali Ulan-Batyr qalasynyń ortalyq alańynda ótip jatyr, dep habarlaıdy Montsame.
Festıvalge meıramhana jáne azyq-túlik ındýstrııasynyń 30-dan astam kásiporny qatysyp jatyr.
Kelýshilerge mońǵoldyń ulttyq taǵamdarymen qatar álemniń 18 eliniń as máziri usynylǵan.
Olardyń qatarynda qytaı, japon, koreı, taı, úndi, grýzın, ıtalıan jáne basqa da ashanalar bar.
Baǵdarlama aıasynda tanymal bas aspazdardyń sheberlik sabaqtary, túrli fırmalyq taǵamdar, jandy mýzyka, óner kórsetilimderi, sondaı-aq konkýrstar men gastronomııalyq jarystar uıymdastyrylǵan.
Aıta keteıik, festıval 26 sáýirge deıin jalǵasady.
Osydan buryn 2025 jyly Mońǵolııaǵa 847 200 týrıst kelip, týrızmnen elge 700 mıllıon dollar tabys túskenin jazǵanbyz.