Mońǵolııa astanasynda halyqaralyq marafon bastaldy
ULANBATYR. KAZINFORM – Senbi kúni Mońǵolııa astanasynda halyqaralyq «Ulaanbaatar Marathon 2024» bastaldy, dep habarlaıdy Sınhýa.
Ulanbatyrdaǵy marafonnyń maqsaty – salaýatty ómir saltyn nasıhattaý jáne halyqty belsendi dene shynyqtyrý men sportqa tartý, buqaralyq sportty damytý, qashyqtyqqa júgirýde sporttyq jetistikterdiń ósýin yntalandyrý.
Bul joly marafonǵa 34 elden barlyǵy 20 451 adam qatysýda.
Jarysqa qatysýshylar kásibı marafon /42 shaqyrym/, jartylaı marafon /21 shaqyrym/, áýesqoılar úshin 10 jáne 5 shaqyrymdyq marafon, múmkindigi shekteýli jandar men olardyń otbasylary úshin 1,5 shaqyrymdyq marafondar júgiredi.
«Ulaanbaatar Marathon 2024» jarysyna qatysýǵa 20 myńnan astam adam tirkelgen.
Montsame agenttiginiń habarlaýynsha, marafonnyń baǵyty ólshenip, bekitilgen, sonymen qatar joldyń bastalý jáne aıaqtalý oryndary, aýyz sý núkteleri, medıtsınalyq qyzmet kórsetý jáne marshrýt boıyndaǵy qyzmetter kórsetiledi. Baǵyt boıynsha 310 pýnktte 450 polıtsııa qyzmetkeri qyzmet kórsetedi.
«Ulaanbaatar Marathon 2024» baıqaýyna tirkelý eki aı boıy jalǵasqan. Azamattardyń ótinishi boıynsha 5 shaqyrymdyq jarysqa qatysýshylardy tirkeý úsh kúnge uzartylyp, 24 mamyr kúni saǵat 17:00-de aıaqtalaǵan.
