Mońǵolııa 34 eldiń azamaty úshin vızasyz rejımdi jyl sońyna deıin uzartty

ASTANA. KAZINFORM — Mınıstrler kabınetiniń otyrysynda 34 eldiń azamatyna Mońǵolııa aýmaǵynda 30 kúnge deıin vızasyz bolý quqyǵyn uzartý týraly sheshim qabyldandy. , dep habarlaıdy Montsame.

Vızasyz rejımniń merzimi 2026 jyldyń sońyna deıin uzartyldy.

Osylaısha, atalǵan elder úshin vızasyz rejım taǵy bir jylǵa jalǵasty. 34 eldiń 32-si — Eýropa memleketteri, al qalǵan ekeýi — Aýstralııa men Jańa Zelandııa. Bul elderdiń azamattary Mońǵolııaǵa týrıstik maqsatta vızasyz bara alady.

Sonymen qatar, týrızm maqsatynda 14 kúnnen 90 kúnge deıin vızasyz kirýge taǵy 30 eldiń azamattaryna ruqsat etilgen.

Sondaı-aq 2025 jyly Mońǵolııanyń Syrtqy ister mınıstrligi 124 945 vıza bergeni atap ótildi. Bul kórsetkish aldyńǵy jylmen salystyrǵanda 14,18 paıyzǵa kóp.

Budan buryn Kásibı týrızm qaýymdastyǵynyń málimetine sáıkes, 2025 jyldyń basynan beri Mońǵolııaǵa 851 931 sheteldik týrıst saparlaǵan.

Mońǵolııa týrızmdi qalpyna keltirý qarqyny boıynsha álemniń TOP-20 eline engeni belgili boldy.