Mońǵolııa 1 maýsymnan bastap shekarany ashýdy josparlaýda

ULANBATYR. MONTsAME-QazAqparat – 27 mamyr kúni ótken Mońǵolııa Úkimetiniń otyrysynda 1 maýsymnan bastap shekaralardy ashý týraly másele qarastyryldy, dep habarlaıdy QazAqparat MONTsAME agenttigine silteme jasap.

Úkimettiń baspasóz qyzmetiniń málimetinshe, Mońǵolııa azamattary Otanyna oralý úshin koronavırýsqa qarsy tolyq vaktsınatsııadan ótýge mindetti emes. ıAǵnı olarǵa ekpeni úılerine oralǵan soń alýǵa múmkindik berilip otyr.

Onymen qosa, koronavırýsqa qarsy vaktsınatsııanyń tolyq kýrsyn (eki komponentin) alǵan shet memleket azamattaryna Mońǵolııaǵa kelýge ruqsat beriledi.

Premer-mınıstr L. Oıýýn-Erdene atalǵan suraqty qosymsha jiti pysyqtap, shekarany ashý boıynsha naqty usynystardy 1 maýsymǵa deıin Mınıstrler kabınetiniń otyrysynda berýdi tapsyrdy.