Mońǵolııa 1 mamyrdan bastap áýe shekaralaryn ashady

ULAN-BATYR. MONTsAME-QazAqparat – Mońǵolııa 1 mamyrdan bastap áýe shekaralaryn ashady. Alaıda qazirgi kezde tek vaktsına tolyq kólemde egilgen azamattarǵa ǵana kirýge ruqsat etý josparlanyp otyr. Bul týraly QazAqparat Mońǵolııanyń MONTsAME agenttigine silteme jasap habarlaıdy.

Mońǵolııa úkimetiniń kezekten tys otyrysynda qabyldanǵan sheshimder jarııalanǵan baspasóz máslıhaty kezinde eldiń premer-mınıstri L.Oıýýn-Erdene osylaı málim etti.

Úkimet basshysynyń atap ótýinshe, tıimdi ekonomıkalyq áserden basqa, bul áýe shekaralary ashylǵan soń eki aıdyń ishinde Hýshıg ańǵarynda jańa halyqaralyq áýejaıyn ashýǵa múmkindik beredi.

«1 shildege qaraı maqsatty topty tolyq vaktsınalaý týrısterdi elge kelýge yntalandyryp, álemge pozıtıvti sıgnal joldaıdy. Bul maqsatpen biz áýejaıdy Naadam ulttyq merekesiniń aldynda ashý úshin arnaıy jumystar júrgizýdemiz», - dedi L.Oıýýn-Erdene.

Eske sala ketsek, Mońǵolııa úkimeti kezekten tys otyrysynda joǵary daıarlyqtyń qazirgi rejımin qyzǵylt sary deńgeıden qyzyl deńgeıge aýystyrý jáne 10-25 sáýir kúnderi aralyǵynda qatań karantın rejımin engizý sheshimin qabyldady.