Mońǵolbank 3,2 tonna baǵaly metal satyp aldy

ASTANA. KAZINFORM — Bıylǵy naýryz aıynda Mońǵolbank 949,5 kg qymbat metal satyp alǵan, al birinshi toqsan qorytyndysy boıynsha jalpy kólemi 3,2 tonnany qurady, dep habarlaıdy Montsame.

Naýryz aıynda satyp alynǵan altynnyń 101,7 kelisi Darhan-Ýýl aımaǵyndaǵy Ortalyq bank fılıaly arqyly, al 720,4 kelisi Baıanhongor aımaǵyndaǵy fılıal arqyly alynǵan.

Naýryzdaǵy qymbat metal satyp alý kólemi ótken jyldyń osy kezeńimen salystyrǵanda 48 paıyzǵa artqan.

Mońǵolbank altyndy álemdik naryqtaǵy baǵasyna sáıkes satyp alady. Naýryz aıynda 1 gramm altynnyń ortasha baǵasy 560 486,32 týgrık bolǵan.

Osydan buryn habarlanǵandaı, Mońǵolııanyń syrtqy saýda aınalymy 2,6 mlrd AQSh dollaryna jetti.

Sonymen qatar, Qazaqstan men Mońǵolııa $62,6 mln-ǵa eksporttyq kelisim jasaǵany belgili boldy.

Budan bólek, Mońǵolııa naryǵyna Qazaqstan taýarlaryn eksporttaý jeńildegeni aıtyldy.