Mońǵol sport juldyzy Enhtsogt Silk Way Star fınalyna ótken Mısheldi quttyqtady
ASTANA. KAZINFORM - Mońǵolııanyń tanymal basketbolshysy Dýlgýýn Enhtsogt Silk Way Star halyqaralyq jobasynyń fınalyna ótken Mıshel Djozefty quttyqtap, oǵan qoldaý bildirdi.
- Qýanyshty jańalyqpen bóliskim keledi. Qazaqstanda ótip jatqan Silk Way Star halyqaralyq shoý-jobasynda bizdiń Mıshel óz ónerin kórsetip, fınalǵa joldama aldy, – dedi ol.
Sportshy óz Facebook paraqshasynda Mısheldiń jetistigin atap ótip, atalmysh baıqaýdyń mańyzdylyǵyn jetkizdi.
Onyń aıtýynsha, jobaǵa 12 eldiń ónerpazdary qatysyp, ózderiniń talantyn, daýys múmkindigin jáne ulttyq mádenıetin tanytyp keledi.
- Fınalǵa shyqqan árbir qatysýshy avtorlyq ánimen óner kórsetedi. Bul kezeńde kórermenderdiń qoldaýy erekshe mańyzdy. Óz salasynda kóshbasshy bolyp júrgen talanttarymyzben maqtanamyz, - dep jazdy Dýlgýýn Enhtsogt.
Buǵan deıin Silk Way Star án baıqaýynyń fınalısteri anyqtalǵanyn jazǵanbyz.