Mońǵol dınozavry Nıý-Iorkte mıllıon dollarǵa satyldy
ASTANA. 22 mamyr. QazAqparat - Aldyn ala boljam boıynsha Mońǵolııadan tabylǵan jaqsy saqtalǵan dınozavrdyń qańqasy Nıý-Iorkte Heritage Auctions aýktsıonynda 1,05 mıllıon dollarǵa belgisiz jeke tulǵaǵa satyldy, dep habarlady Bı-Bı-Sı.
Tyrannosaurus Bataar dınozavry qazirgi Mońǵolııa men Qytaıdyń aýmaǵynda keıingi bor dáýirinde shamamen 70-65 mln. jyl buryn ómir súrgen. Dınoavrdyń boıy 2,4 metrge jýyq, uzyndyǵy 7,3 metrge jetedi.
Murajaılarǵa qoıylǵan qańqalar 50 paıyzdaı saqtalǵan bolsa, bunyń 75 paıyzy saqtalǵan.
Alaıda satyp alýshy bul oljasyn barlyq zańnamalyq máseleler sheshilgenshe ala almaıdy. Mońǵolııa Gobı shólinen tabylǵan qańqany maroderler alyp ketken degen ýáj aıtyp, qaıtarýdy talap etip otyr. Al satýǵa shyǵarǵan Heritage Auctions úıi onyń zańdy jolmen ákelingenin alǵa tartýda.
