Mońǵol azamaty Qytaıdaǵy salmaǵy eń aýyr adam atandy

ASTANA. KAZINFORM — 33 jastaǵy mońǵol azamaty — ıÝıchjoýdyń Qytaıdaǵy salmaǵy eń aýyr adam dep tanylǵany týraly jańalyq jeli qoldanýshylaryn eleń etkizdi.

Bul jaıynda The Paper aqparattyq portaly habarlady.

Іshki Mońǵolııa ólkesiniń týmasy — ıÝıchjoýdyń dene salmaǵy byltyr qarasha aıynda 359,4 kelige jetken. Anasynyń aıtýynsha, ol bala kúninen tyǵyrshyqtaı tolyq bolyp ósedi.

Ýnıversıtetke oqýǵa túskende, boıynyń bıiktigi 186 sm-ge, dene salmaǵy 135 kelige jetedi. 2019 jyldan keıin onyń dene salmaǵy toqtamaı, óse beredi.

Artyq salmaqtan tósek tartyp jatyp qalǵan ıÝıchjoýdyń ómirine qater tónedi. Ol júris-turystan múlde qalǵan, tipti kólikke de mine almaıtyn halge túsedi.

Ulynyń ómirin saqtap qalý úshin anasy batyl sheshim qabyldaıdy — ótken jyldyń qarasha aıynda arnaıy daıyndalǵan avtokólikpen 700 shaqyrym joldy artqa tastap, ıÝıchjoýdy shalǵaıdaǵy Ordostan Beıjińdegi Qytaı-Japonııa dostyq aýrýhanasyna jetkizedi.

Medıtsınalyq qyzmetkerlerdiń jumyla kórsetken kómeginiń arqasynda ıÝıchjoý aýrýhana palatasyna sátti ornalasyp, jan-jaqty tekserýden ótedi jáne em-dom qabyldaı bastaıdy.

Dostyq aýrýhanasynyń Jalpy hırýrgııa bólimshesiniń zat almasý jáne artyq salmaqtan arylý ortalyǵynyń mamandary ıÝıchjoý úshin arnaıy jospar ázirleıdi. Dıeta ustaý men tósek ústindegi jattyǵýlar onyń qysqa merzimde aıtarlyqtaı salmaq tastaýyna kómektesedi.

48 kún boıy qajymaı-talmaı jattyǵýdyń nátıjesinde ıÝıchjoý 104,4 keli salmaq tastaıdy, sóıtip, oǵan ota jasaýǵa múmkindik týady.

Jan-jaqty daıyndyqtan keıin, dárigerler arnaıy ázirlengen laparoskopııalyq qural arqyly ıÝıchjoýdyń asqazannyń bir bóligin kesip alyp tastaıdy.

Otadan keıin ıÝıchjoýdyń jaǵdaıy jedel jaqsaryp, salmaǵy turaqty túrde tómendeı bastaıdy. Qazirgi kúnde onyń dene salmaǵy 198 kelige túsken.

Osyǵan deıin Ulttyq statıstıka komıtetiniń málimeti boıynsha, Mońǵolııa halqynyń jalpy sanynyń 1,7 mıllıony nemese 49 paıyzy er adamdar ekeni anyqtaldy.