Monakoda turǵyn úıde jarylys bolyp, úsh adam jaraqat aldy
ASTANA. KAZINFORM – Monakoda turǵyn úıde bolǵan jarylystan úsh adam jaraqat aldy. Bılik oqıǵany qasaqana jasalǵan shabýyl retinde tergep jatyr, dep habarlaıdy France24.
Memlekettik mınıstr Krıstof Mırmannyń AFP agenttigine aıtýynsha, jarylys «lańkestik áreket bolýy ábden múmkin».
Jarylys jergilikti ýaqyt boıynsha shamamen saǵat 21:00-de Frantsııamen shekaraǵa jaqyn ornalasqan turǵyn úıde bolǵan.
Bas prokýror Stefan Tıbonyń málimetinshe, kúdikti ǵımarattyń kireberisine sómke nemese kúmándi zat qaldyryp, keıin oqıǵa ornynan ketken.
Onyń aıtýynsha, ázirge dál osy ǵımarattyń nelikten nysanaǵa alynǵanyn kórsetetin eshqandaı derek joq.
Jarylystan zardap shekken 50–60 jastaǵy erli-zaıyptynyń jaǵdaıy aýyr. Sondaı-aq olardyń týysy bolýy múmkin 13 jastaǵy jasóspirim jeńil jaraqat alǵan. Zardap shekkenderdiń azamattyǵy ázirge jarııalanǵan joq.
Krıstof Mırmannyń aıtýynsha, jarylǵysh qurylǵynyń ishinde bolttar men bytyra bolǵan degen boljam bar. Qazir polıtsııa oqıǵanyń barlyq mán-jaıyn anyqtap jatyr.
– Meniń bilýimshe, bul – Monako knıazdigi tarıhyndaǵy osyndaı alǵashqy oqıǵa, – dedi mınıstr.
Aıta keteıik, buǵan deıin Qatardyń eń iri energetıkalyq keshenindegi jarylystan 50-den astam adam jaraqat alyp, 18 adam iz-túzsiz jaǵalǵanyn jazdyq.
Al Ózbekstanda janarmaı beketinde bolǵan jarylystan 6 adam qaza tapty.
