«Monakoda» oınaǵan nıgerııalyq «Astanaǵa» keldi
ASTANA. QazAqparat - Nıgerııa quramasynyń jartylaı qorǵaýshysy Arýna Lýkman «Astana» komandasymen kelisim shartqa qol qoıdy. Bul týraly klýbtyń baspasóz qyzmeti málimdedi, dep jazady www.alaman.kz.
Oıynshyny Kıevtiń «Dınamo» komandasy «Astanaǵa» jalǵa bergen. Lýkman osyǵan deıin frantsııalyq «Monako», ýkraınalyq «Goverly» jáne reseılik «Anjı» klýbynda oınaǵan. «Monako» sapynda 44 match ótkizgen. Fýtbolshynyń quny shamamen 1,5 mıllıon dollardy quraıdy.
25 jastaǵy fýtbolshy jastar arasyndaǵy álem jáne Afrıka chempıony, Ýkraına chempıonatynyń kúmis jáne qola júldegeri. Nıgerııa quramasynda 8 oıyn ótkizgen.
