Monakoda Danııar Eleýsinovpen birge taǵy bir qazaqstandyq óner kórsetedi
ASTANA. QazAqparat - Qazaqstandyq boksshy Sultan Zaýrbek (1-0, 0KO) 24 qarasha kúni Monakoda Danııar Eleýsinovpen bir rıngte óner kórsetedi. Bul týraly «Qazaqstannyń kásipqoı boksy» akkaýnty VKontakte áleýmettik jelisinde jazdy, dep habarlaıdy QazAqparat.
BoxRec.com saıtynyń málimetinshe, Sultan Zaýrbektiń jekpe-jegi tórt raýndtan turady. Qarsylasy ázirge belgisiz.
Aıta keteıik, Zaýrbek bıylǵy 26 qazan kúni Londonda alǵash ret kásipqoı rıngke shyqty. Onda 34 jastaǵy qarsylasy - Nıkaragýa boksshysy Hose Agılarany (16-53-4, 6KO) upaı sanymen utty. BoxRec-tiń habarlaýynsha, Sultannyń kásipqoı boksta úshinshi aıqasy da josparlanyp qoıǵan - ol 14 jeltoqsan kúni Londonda ótedi.
Eske sala keteıik, 24 qarasha kúni Monakonyń Monte-Karlo qalasynda qazaqstandyq boksshy Danııar Eleýsinov (4-0, 2KO) jekpe-jekke shyǵady. Onyń qarsylasy nıkaragýalyq boksshy, 33 jastaǵy Markos Mohıka (16-2-2, 12 KO). Eleýsinov jartylaı orta salmaqtaǵy tórtinshi jeńisine aǵymdaǵy jyldyń 21 qazanynda qol jetkizgen bolatyn.
«Kazıno de Monte-Karloda» ótetin boks keshiniń anderkartynda ózge de jekpe-jekter josparlanǵan. Al basty aıqas birinshi aýyr salmaqtaǵy álemniń eks-chempıony reseılik Denıs Lebedev (31-2, 23 KO) pen amerıkalyq Maık Ýılson (19-0, 8 KO) arasynda ótedi.
