Monako komıssaryna aıyppul salmaq bolǵan polıtseıler jumystan qýyldy
ASTANA. QazAqparat - EKSPO-2017 halyqaralyq kórmesindegi Monako Knıazdyǵynyń pavılonyna bas komıssar bolyp taǵaıyndalǵan Djýlen Sellarıoǵa temeki tartpaq bolǵan əreketi úshin 120 eýro aıyppul salmaq bolǵan eki polıtseı jumysynan qýyldy.
Olarǵa qatysty QR Qylmystyq kodeksiniń 366 baby - «Para alý» boıynsha qylmystyq is qozǵaldy. Bul týraly QazAqparat tilshisine QR Іshki ister mınıstrliginiń memlekettik til jəne aqparat departamentiniń dırektory Almas Sadýbaev məlim etti.
"28 qazan kúni kóliktegi Іshki ister departamentiniń jeke qaýipsizdik basqarmasyna 26 qazannan 27 qazanǵa qaraǵan túni polıtsııa qyzmetkerleri Astana əýejaıynda tyıym salynǵan jerde temeki shekken Monako Knıazdyǵynyń azamatyn polıtsııa bólimine jetkizdi. Biraq, əkimshilik hattama toltyrmastan odan aqshalaı syıaqy alyp jibere salǵan. Dál sol kúni eki polıtseıge qarsy QR Qylmystyq kodeksiniń «Para alý» baby boıynsha sot aldy tergeý bastaldy",-dedi QazAqparat tilshisine telefon arqyly aqparat bergen A.Sadýbaev.
Onyń habarlaýynsha, qylmystyq is Sybaılas jemqorlyqqa qarsy qyzmettiń óndirisine berilgen.
"Jeke qaýipsizdik basqarmasynyń qyzmetkerleri sheteldik qonaqtan para alǵan eki polıtseıdi anyqtady. Tergeý jumystary aıaqtalǵan soń is sybaılas jemqorlyqqa qarsy qyzmettiń óndirisine berildi. Eki polıtseı jumysynan qýyldy, al basshylyǵyna eskertý jarııalandy. Monako azamaty polıtseılerdiń zańsyz əreketi týraly 30 qazanda aryz túsirdi",-dep túsindirdi Іshki ister mınıstrliginiń ókili.
Buryn habarlaǵanymyzdaı, Astana halyqaralyq əýejaıynda eki polıtseı Monako Knıazdyǵynyń azamatyn tún ortasynda temeki tartpaq bolǵan áreketi úshin ustaǵan bolatyn.
