Mona Lızanyń "súıegi" Italııadan tabyldy
ASTANA. 19 shilde. QazAqparat - Italııada Leonardo da Vınchıdiń ataqty «Mona Lızasynda» beınelenýi múmkin áıeldiń súıegi tabyldy dep habarlaıdy The Daily Mail.
Lıza Gerardınıdyń súıegi (Lisa Gherardini) Florentsııadaǵy qasıetti Ýrsýla (Convent of Saint Ursula) shirkeýiniń túbinen tabylǵan. Arheologtar tabylǵan deneniń dál sol adamdiki ekenin, ári osy áıel beınesi sýretshiniń dańqty kartınasynda beınelegenine tolyq senimdi.
Ǵalymdardyń aıtýynsha, Gerardını baı jibek satýshy Franchesko del Djokondoǵa turmysqa shyǵyp, Lıza del Djokonda atanǵan. Kúıeýiniń óliminen keıin Lıza shirkeýge ketip, 1542 jyldyń 15 maýsymynda 63 jasynda qaıtys bolǵan.
Gerardınıdiń súıekterin 2011 jyly izdeýdi bastaǵan bolatyn. Ol ýaqytta arheologtar áıel bas súıegin, biraz ýaqyttan soń omyrtqasy men qabyrǵa súıekterin tapqan. Jaqynda ǵana onyń dene súıegi tolyq tabyldy. Aldaǵy ýaqytta DNK-sy tekserilip, qorytyndysy sátti shyqsa, ǵalymdar súıek qaldyqtarynan áıeldiń bet-álpetin qaıta qalpyna keltirip, ataqty da Vınchıdiń «Mona Lızasymen»ózara salystyryp kórmek.
BAQ.KZ
