«Móldir bulaq»: Astanada 3 shaqyrym aýmaq tazartylyp, qoqys jınaldy
ASTANA. KAZINFORM — Shara barysynda qatysýshylar 3 shaqyrym aýmaqty tazalap, bulaq mańyn qoqystan aryltty, dep habarlaıdy «Astana Tazalyq» JShS baspasóz qyzmeti.
Astana qalasynda Memleket basshysy Qasym-Jomart Toqaevtyń bastamasymen júzege asyrylyp jatqan «Taza Qazaqstan» tujyrymdamasy aıasynda «Móldir bulaq» ekologııalyq aktsııasy ótti. Іs-sharanyń basty maqsaty — bulaq kózderin ashý, olardy tazartý jáne qoǵamda ekologııalyq mádenıetti qalyptastyrý.
Atalǵan aktsııaǵa «Astana Tazalyq» mekemesiniń qyzmetkerleri men eriktiler qatysty. Ár taraptan 50 adamnan qatysyp, jalpy sany 100 adam tabıǵatty qorǵaý jumystaryna atsalysty.
— Shara barysynda qatysýshylar 3 shaqyrym aýmaqty tazalap, bulaq mańyn qoqystan aryltty. Tazalyq jumystary kezinde sýdan 57 shyny banka, 1 velosıped dóńgelegi, 5 500-den astam temeki qaldyǵy, sondaı-aq túrli turmystyq qaldyqtar (plastık bótelkeler, paketter, qaǵaz qaldyqtary jáne basqa da qoqystar) shyǵaryldy, — delingen habarlamada.
Bul bastama qorshaǵan ortany qorǵaýǵa baǵyttalǵan naqty is-qımyldardyń biri boldy.
Aıta ketý kerek, elimizde eriktiler qozǵalysy qarqyndy damyp keledi. Sońǵy jyldary eriktiler sany aıtarlyqtaı artyp, búginde júz myńdaǵan azamat túrli áleýmettik jáne ekologııalyq jobalarǵa belsendi qatysyp keledi.
Mekemeniń baspasóz qyzmeti atap ótkendeı, «Móldir bulaq» aktsııasy — tek tazalyq jumysy ǵana emes, bul — qoǵamdaǵy jaýapkershilik pen birliktiń aıqyn kórinisi. Mundaı sharalar arqyly turǵyndar tabıǵatty aıalaýdyń mańyzyn tereń túsinip, ortaq iske óz úlesterin qosyp júr.
Budan buryn 100 myńnan asa mektep túlegi elimizdi kógaldandyrýǵa atsalysqanyn jazdyq.
