Moldovanyń EAEO-da baqylaýshylyq mártebesi KO kelisimine qaıshy kelmeıdi

BRıÝSSELЬ. QazAqparat - Moldovanyń Eýrazııalyq ekonomıkalyq odaqtaǵy baqylaýshy-el mártebesi bul memlekettiń Eýroodaqpen qaýymdastyq týraly Kelisimine qaıshy kelmeıdi, dep habarlaıdy «QazAqparat» HAA menshikti tilshisi.

«Biz Moldova Respýblıkasynyń baqylaýshy mártebesin alý týraly Joǵary Eýrazııalyq ekonomıkalyq keńeske jasaǵan ótinishin nazarǵa aldyq», - dep málimdedi sársenbi kúni Eýropalyq syrtqy ister qyzmetiniń resmı ókili Nabıla Massralı.

Brıýssel Eýroodaqpen jasalǵan kelisimniń «Moldova halqyna  tabys ákelip, el azamattarynyń ómir súrý deńgeıin aıtarlyqtaı jaqsartady» dep esepteıdi.

Resmı ókildiń aıtýynsha, Eýropalyq odaq Moldovanyń iri saýda seriktesi bolyp tabylady jáne bul elmen saýda aınalymynyń 50%-y jáne eksporttyń 60%-y júrgiziledi.