Moldovadaǵy prezıdent saılaýynyń ekinshi kezeńi 15 qarashada ótedi

KIShINEV. MOLDPRESS-QazAqparat – Moldova Respýblıkasyndaǵy prezıdent saılaýynyń ekinshi týry 15 qarashada ótedi. Búgin Ortalyq saılaý komıssııasy daýys berý bıýlleteniniń mátini men úlgisin maquldap, olardy basyp shyǵarýdy bastaýǵa buıryq berdi, dep habarlaıdy QazAqparat Moldpress-ke silteme jasap.

OSK sheshimine sáıkes, 2020 jylǵy 1 qarashadaǵy prezıdent saılaýynyń qorytyndysy boıynsha Moldova Respýblıkasynyń prezıdenttigine kandıdattardyń birde-biri saılaýshylardyń keminde 51% daýysyn jınaı almady. Osylaısha, zańnamaǵa sáıkes 2020 jyldyń 15 qarashasynda ótetin ekinshi kezeń taǵaıyndalady.

Ekinshi týr birinshi kezeńde jınaǵan daýystar sanynyń azaıý retimen belgilengen tártip boıynsha alǵashqy eki kandıdat, «Áreket jáne yntymaqtastyq» saıası partııasynan Maııa Sandý, táýelsiz kandıdat Dodon Igor úshin uıymdastyrylady.

Bıýlletenderdi basyp shyǵarý protsesi búgin bastaldy.