Moldovadaǵy referendým: EO-ǵa qosylýdy jaqtaýshylar men qarsylardyń daýsy birdeı

ASTANA. KAZINFORM – Referendýmda «eýropalyq» ózgeristerge qarsy shyqqandar sany sál joǵaryraq, alaıda Moldovanyń Eýropalyq Odaqqa qosylýyn qoldaıtyndardyń daýsy is júzinde qarsylastardy qýyp jetip jatyr. Bul týraly Ortalyq saılaý komıssııasy habarlady, dep jazdy Euronews. 

Referendýmda Moldova turǵyndaryna: «Siz Moldova Respýblıkasynyń Eýropalyq Odaqqa qosylýy úshin Konstıtýtsııaǵa ózgerister engizýdi qoldaısyz ba?» degen suraqqa jaýap berý usynyldy.

Hattamalardyń 98,11%-yn sanaǵannan keıin «ıá» jaýaby 49,90%, «joq» - 50,10% daýys jınady. Referendým Moldovadaǵy prezıdent saılaýymen qatar ótti.

Bıýlletenderdiń 97,97 paıyzyn óńdegennen keıin qazirgi prezıdent Maııa Sandý kósh bastady. Ol 41,86% daýys jınady. Úmitkerlerdiń eshqaısysy 50 paıyzdan astam daýys jınaı almady, sondyqtan 3 qarashada saýlaýdyń ekinshi týry ótedi.

Sandýǵa 26,34% daýys jınaǵan burynǵy bas prokýror Aleksandr Stoıanoglo qarsylas bolatyn kórindedi. Batysshyl baǵytty ustanǵan Sandý jeksenbi kúni «qylmystyq toptardy» referendýmǵa nuqsan keltirgeni úshin aıyptady.

OSK málimetinshe, saılaý ýchaskeleri jergilikti ýaqyt boıynsha saǵat 21:00-de jabylǵannan keıin 1,5 mln-nan astam saılaýshy, ıaǵnı saılaý quqyǵy bar saılaýshylardyń shamamen 51%-y daýys berdi.

Buryn habarlanǵandaı, OSK jarııalaǵan málimetterge sáıkes, bıýlletenderdiń 58 paıyzyn sanaǵannan keıin saılaýshylardyń 55,5 paıyzy konstıtýtsııaǵa EO-daǵy baǵyt týraly erejelerdi engizýge qarsylyq bildirdi. 

Qazirgi saılaý – Moldova úshin osy joldaǵy alǵashqy aýyr synaq.

Eske sala ketsek, 2023 jyldyń sońynda Maııa Sandý Moldova prezıdenti bolyp qaıta saılaný nıeti týraly málimdegen bolatyn.