Moldovadaǵy parlamenttik saılaýda oppozıtsııalyq fraktsııalar jeńiske jetti

ASTANA. KAZINFORM — Moldovadaǵy parlamenttik saılaýda prezıdent Maııa Sandý negizin qalaǵan Áreket pen yntymaqtastyq partııasy basym tústi. Bıleýshi ​​partııa eldegi saılaý ýchaskelerindegi hattamalar 100% óńdelgennen keıin 44,13% daýys jınady, dep habarlaıdy TASS.

Bılik partııasy 44,13%, «Patrıottar blogy» 28,25%, eýropalyq «Alternatıva» blogy 9,22%, «Bizdiń partııa» 6,35%, «Úıdegi demokratııa» 5,72% daýys jınady. Barlyq oppozıtsııalyq partııalar 49,54% daýysqa ıe boldy.

Sandý partııasy sheteldegi saılaý ýchaskelerinde daýys berýdiń arqasynda qolaıly nátıjege qol jetkizdi. Sheteldegilerdi qosa alǵanda, barlyq saılaý ýchaskelerinen 98,55% daýys sanap, nátıje 49,71% boldy. «Patrıottar blogy» 24,43%, «Alternatıva» 8,04%, «Bizdiń partııa» 6,25%, «Úıdegi demokratııa» 5,66% daýys jınady. Bul oppozıtsııaǵa 44,38% daýys beredi.

Osy saılaý úshin Moldova bıligi sheteldegi saılaý ýchaskeleriniń sanyn negizinen Batys elderinde 234-ten 301-ge deıin ulǵaıtty. Bıýlletenderdiń tórtten bir bóligine jýyǵy (864 000) jiberildi.

Júzdegen myń moldavalyqtar turatyn Reseıde byltyrǵy prezıdenttik saılaýdaǵydaı tek eki saılaý ýchaskesi – Moldova konsýldyǵy men Máskeýdegi elshiliginde ashyldy. Onda 4109 adam daýys berdi. Moldova oppozıtsııasy bılikke qoldaý tapshy aımaqtardaǵy saılaý ýchaskeleriniń sanyn jasandy túrde qysqartyp, basqa jerlerde kóbeıtip otyr dep aıyptady.

Buǵan deıin prezıdent Sandý partııasy Dodonnyń blogyn basyp ozady dep jazǵan bolatynbyz.