Moldovada tótenshe jaǵdaı 31 tamyzǵa deıin uzartyldy

KIShINEÝ. MOLDPRES – QazAqparat -Moldova Respýblıkasyndaǵy tótenshe jaǵdaı 31 tamyzǵa deıin uzartyldy, dep habarlaıdy QazAqparat MOLDPRES agenttigine silteme jasap.

Mundaı sheshim búgin premer-mınıstr Ion Kıký jetekshilik etetin Qoǵamdyq densaýlyq ulttyq tótenshe komıssııasynyń otyrysynda maquldandy.

Memlekettik jáne jeke mekemelerde burynǵysha toı men shoqyndyrý sekildi rásimderdi uıymdastyrýǵa tyıym salynǵan. Qoǵamdyq tamaqtaný oryndarynda 50 adamǵa deıin, tártipti qatań saqtaı otyryp jınalýǵa ruqsat etiledi. Týrıstik jáne velosıped tebý, júgirý, eskek esý jáne balyq aýlaý syndy taza aýadaǵy sharalar uıymdastyrýǵa ruqsat etilgen. Biraq bir toptaǵy adam sany 10-nan aspaýy kerek.

Moldova Respýblıkasynda 22 105 adam koronavırýs juqtyrǵan. Qazirgi ýaqytta 30 836 adam medıtsına qyzmetkerleriniń baqylaýynda, al 212 naýqas emdelip jatyr.