Moldovada tótenshe jaǵdaı 31 shildege deıin uzartyldy
KIShINEV. MOLDPRES – QazAqparat – Ulttyq qoǵamdyq densaýlyq saqtaý tótenshe komıssııasy búgingi otyrysta Moldova Respýblıkasynyń búkil aýmaǵynda qoǵamdyq densaýlyq saqtaý salasyndaǵy tótenshe jaǵdaıdy 2020 jyldyń 31 shildesine deıin uzartý týraly sheshim qabyldady, dep habarlaıdy QazAqparat MOLDPRES-ke silteme jasap.
Komıssııa basshysy premer-mınıstr Ion Kıkýdyń aıtýynsha, mundaı sheshim pandemııa jaǵdaıyna baılanysty qabyldanǵan. Qazirgi ýaqytta búkil álemde jaǵdaı órship otyr.
Qoǵamdyq densaýlyq saqtaý salasyndaǵy tótenshe jaǵdaı uzartylyp qana qoımaı, keıbir shekteýler saqtalady: sheteldikterdiń Moldova Respýblıkasyna kelýine, sharalar ótkizýge, mektepke deıingi mekemeler qyzmetine, demalys lagerlerine, túngi klýbtarǵa, dıskotekalarǵa, parkterge, demalys aımaqtaryna jáne t.b.
Soǵan qaramastan, 16 shildeden bastap jattyǵý zaldarynda dýshqa túsýge ruqsat etiledi. Sondaı-aq, ońaltý ortalyqtary, sonyń ishinde kýrorttyq-shıpajaı mekemeleriniń qyzmeti kezeń-kezeńimen qaıta jandanady.
Sońǵy 24 saǵatta Moldova Respýblıkasynda 1819 test jasalyp, 258 adamnan jańa koronavırýs anyqtaldy. Qazirgi ýaqytta elde 18 924 adam COVID-19 juqtyrǵan.
