Moldovada prezıdenttik saılaý qarashanyń 10-da ótýi múmkin
ASTANA. Qarashanyń 3-i. QazAqparat - Moldovada prezıdenttik saılaýdy qarashanyń 10-na belgileý josparlanýda.
Bul týraly respýblıka parlamentindegi derek kózder habarlady. Moldova memleketiniń basshysyn saılaý kúnin parlament depýtattar búgin, qarashanyń 3-de ótetin májilisterinde belgileıdi, dep habarlaıdy RBK agenttigi.
Buǵan deıin saılaý qazannyń 23-ne belgilengen bolatyn, biraq «prezıdentti saılaý týraly zańnamadaǵy qaıshylyqtardyń» saldarynan daýys berý keshirek merzimge ysyrylǵan edi. Moldova prezıdenttigine Eýropalyq yqpaldastyq alıansy usynyp otyrǵan bir kandıdat - Demokratııalyq partııa tóraǵasy, parlamenttiń burynǵy spıkeri Marıan Lýpý tirkeldi.
Al oppozıtsııadaǵy Kommýnıster partııasy ókilderi bolsa, Moldovada balama kandıdatsyz prezıdenttik saılaýdyń ótetindigine kúmán keltirip otyr. Osyǵan baılanysty parlamenttik kópshilik Moldova prezıdentin saılaý protsedýralary týraly zańǵa bir ǵana kandıdattyń qatysýymen prezıdenttik saılaý ótkizýge ruqsat beretin túzetýlerdi bekitti.
