Moldovada prezıdent saılaýy ótti dep sanaýǵa bolady - OSK

KIShINEÝ. MOLDPRES – QazAqparat – Moldovada prezıdent saılaýynda jergilikti ýaqytpen 18:00-ge deıin (Nur-Sultan ýaqytymen 22:00) 1 mıllıonnan astam adam nemese saılaýshylardyń 40 protsenti daýys berdi. Saılaýshylardy úshten biri daýys berse, onda saılaý ótti dep sanalady, dep habarlaıdy QazAqparat MOLDPRES-ke siltememen.

OSK tóraǵasy Dorın Chımıl 2016 jylǵy saılaýda osy ýaqytqa deıin (18:00) 50 paıyz elektorat daýys berip úlgergenin aıtady. Ol, sondaı-aq, búgin daýys bergenderdiń 54 protsenti áıelder ekenin, jáne de 56 jastan asqan turǵyndardyń belsendi ekenin atap ótti.

Aldyńǵy saılaý da da, osy joly da 25 jasqa deıingi jastar eń az kelgen sanat bolǵan.

OSK basshysy shetelderde jumys istep turǵan saılaý ýchaskelerinde eldiń 106 myń turǵyny daýys berip úlgergenin aıtty.

Saılaý nátıjesi týraly alǵashqy aldyn ala málimet jergilikti ýaqyt boıynsha 22:00 shamasynda shyǵady.