Moldovada Prezıdent saılaýy ótip jatyr
BRıÝSSELЬ-KIShINEV. QazAqparat – Búgin Moldavııada prezıdenttik saılaý ótedi.
Negizgi tartys respýblıkanyń qazirgi basshysy Igor Dodon men burynǵy premer-mınıstr, Eýropalyq áreket jáne yntymaqtastyq partııasynyń jetekshisi Maııa Sandý arasynda bolady dep boljanýda, dep habarlaıdy QazAqparat.
Respýblıka Prezıdenti laýazymyna úmitkerler tiziminde barlyǵy segiz kandıdat bar, olardy 3,3 mln saılaýshy tańdaıdy. Alǵash ret saılaýshylar qataryna moıyndalmaǵan Prıdnestrove turǵyndary kirdi.
Qazirgi saılaý koronavırýs pandemııasyna baılanysty qıyn jaǵdaıda ótip jatyr. Moldova Ortalyq saılaý komıssııasynyń málimeti boıynsha, shetelde turatyn 60 myńnan astam Moldova azamaty saılaýǵa qatysýǵa tirkelgen. Osyǵan baılanysty koronavırýstyń áserinen ishinara nemese tolyq «lokdaýn» engizilgen elderde saılaýshylar saılaý ýchaskelerine kelýde qıyndyqtarǵa tap bolýy múmkin. Mysaly, Frantsııada azamattardyń qozǵalysyna qatań shekteý jarııalandy. Sarapshylar negizgi tartys respýblıkanyń qazirgi basshysy I. Dodon men áreket jáne yntymaqtastyq partııasynyń basshysy M. Sandý arasynda ótedi dep boljaıdy. M. Sandýdy Eýropa ókilderi belsendi qoldaıdy.
Eýropalyq halyq partııasynyń qazirgi basshysy Donald Týsk beınehabarlama jarııalady, onda ol «Maııa Sandý Moldovany tabysqa jeteleıdi» dep málimdedi, al Germanııadaǵy bıleýshi Hrıstıan-demokratııalyq odaǵynyń (HDS) tóraǵasy Annegret Kramp-Karrenbaýer bul kandıdat «Moldovanyń bolashaǵyn bildiredi», - dep málimdedi.
Avtory: Arnur Rahymbekov
