Moldovada Qazaqstan Qurmetti konsýldyǵynyń ashylý saltanaty ótti
ASTANA. KAZINFORM – Moldovanyń ekinshi iri qalasy – Beltsta Qazaqstan Respýblıkasynyń Qurmetti konsýldyǵynyń saltanatty ashylý rásimi boldy. Qurmetti konsýldyq qyzmetiniń negizgi basymdyqtary qazaqstandyqtardy qoldaý, eki el arasyndaǵy saýda-ekonomıkalyq jáne mádenı-gýmanıtarlyq baılanystardy nyǵaıtý. Bul týraly QR Syrtqy ister mınıstrliginiń baspasóz qyzmeti málim etti.
Qazaqstannyń Beltstegi Qurmetti konsýly bolyp «JLC» kompanııalar tobynyń vıtse-prezıdenti, «JLC Sut LLC» (Taldyqorǵan) negizin qalaýshysy, «Food Master lce Sream LLC» (Almaty) bas dırektory ıÝrıe Jardan taǵaıyndaldy.
Ashylý saltanatyna MR Syrtqy ister mınıstrliginiń Protokol basshysy Mıhaıl Barbýlat, Belts qalasynyń meri Aleksandr Petkov jáne dıplomatııalyq korpýs, bıznes-qoǵamdastyq, memleket ókilderi men depýtattar qatysty.
QR Elshisi Almat Aıdarbekov qurmetti konsýldyqtyń ashylýynyń mańyzdylyǵyn eskere otyryp, bul ınvestıtsııalyq, saýda-ekonomıkalyq baılanystardy tereńdetýge jáne mádenı-gýmanıtarlyq yntymaqtastyqty nyǵaıtýǵa jańa múmkindikter ashatyn ekijaqty qatynastardy damytýdyń jańa kezeńi ekenin atap ótti.
Óz tarapynan jańadan taǵaıyndalǵan QR Qurmetti konsýly ıÝ.Jardan qazaq tarapynyń joǵary senimi úshin alǵysyn bildirip, elderimiz arasyndaǵy barlyq salalardaǵy is-qımyldy jandandyrýǵa daıyn ekenin rastady.
Belts – Moldovanyń ónerkásip ortalyǵy, onyń aýmaǵynda iri óndiristik jáne eń úlken erkin ekonomıkalyq aımaqtar ornalasqan. Qalada 40-tan astam kásiporyn bar: tamaq jáne jeńil ónerkásip, elektrotehnıkalyq jáne aýylsharýashylyq mashına jasaý, qurylys materıaldaryn óndirý jáne t.b.
