Moldovada energııamen qamtýǵa tóngen qaýipke baılanysty tótenshe jaǵdaı jarııalandy
ASTANA. KAZINFORM — Moldova úkimeti eldi energııamen qamtamasyz etýge qatysty saqtalyp otyrǵan táýekelder men gaz baǵasynyń ósýine baılanysty 26 qyrkúıekten bastap energetıka jáne gıdrologııa salalarynda 60 kún merzimge tótenshe jaǵdaı engizýdi maquldady, dep habarlaıdy BELTA.
Moldova premer-mınıstri Vasıle Tofan bul shara bılikke halyqty energııa jáne sý resýrstarymen qamtamasyz etý úshin jedel áreket etýge múmkindik beretinin aıtty.
Moldovanyń Daǵdarystardy basqarý ulttyq ortalyǵynyń dırektory Sergeı Dıakoný eldegi joǵary daıyndyq rejımi 25 qyrkúıekte aıaqtalatynyn, alaıda ony engizýge sebep bolǵan táýekelder joıylmaı, kerisinshe kúsheıe túskenin málimdedi.
Eldiń energetıka mınıstri Dorın Jýngıetý óńirdegi jaǵdaı men Eýropa bırjalaryndaǵy gaz baǵasynyń ósýine baılanysty «aldaǵy kezeńde tutynýshylar tóleıtin baǵanyń qymbattaý qaýpi joǵary» ekenin atap ótti.
Tótenshe jaǵdaı engizý týraly sheshim jobalary parlamenttiń qaraýyna jiberiledi.
Buǵan deıin Moldovanyń Ulttyq qaýipsizdik keńesi iri aqaýlar bolǵan jaǵdaıda jedel áreket etý jáne eldi elektr energııasymen, tabıǵı gazben jáne munaı ónimderimen qamtamasyz etý úshin memlekettik organdarǵa qajetti ókilettik berý maqsatynda tótenshe jaǵdaı engizý qajet ekenin málimdegen.
Moldova 28 shildeden beri energetıka jáne gıdrologııa salalarynda joǵary daıyndyq rejıminde boldy. Alǵashynda bul rejım 30 kúnge engizilip, keıin taǵy 30 kúnge uzartylǵan.
Eske salaıyq, buǵan deıin AQSh-ta energetıkalyq qaýipsizdikti qamtamasyz etý maqsatynda tótenshe jaǵdaı jarııalandy.
