Moldovada eldiń burynǵy premeri qamaýǵa alynǵan soń úkimet otstavkaǵa jiberildi
ASTANA. QazAqparat - Moldovanyń bas oppozıtsııalyq partııalary el úkimetine senimsizdik bildirgen soń parlament onyń otstavkaǵa ketýin qoldap daýys berdi.
Premer-mınıstr Valerıı Streletstiń kabıneti úsh aıǵa jýyq ýaqyt buryn qurylǵan. Parlamenttiń 101 múshesiniń 65-i onyń otstavkaǵa ketýin qoldap daýys berdi.
Taıaýda Valerıı Strelets óz qyzmetinen ketpeıtinin málimdep, eger bul áreketke barsa, bul ózine jemqorlyqqa qatysy bar dep taǵylǵan aıyptardy moıyndaý bolyp sanalatynyn aıtty, dep jazady Bı-bı-sı.
«Men el taǵdyryna shynymen de alańdap otyrmyn. Saıasatkerlerdiń bir bóliginiń mınımaldy turaqtylyqty qoldaýǵa nıeti joq ekenin kórip otyrmyn», - dedi premer parlament aldynda sóılegen sońǵy sózinde.
Ótken aptada Kıshınevtaǵy sot Moldovanyń burynǵy premer-mınıstri Vlad Fılatty qamaýǵa alý merzimin 30 kúnge uzartty. Tergeý onyń 1 mlrd. dollarǵa deıingi somaǵa banktik aıla-sharǵylarǵa qatystylyǵyn tergeý ústinde.
Moldova astanasynda jemqorlyq jasaýda kúdikti tanylǵan sheneýnikterdi jazaǵa tartý talaptary aıtylǵan narazylyq sharalarynyń ótkizilip júrgenine bir aıdan astam ýaqyt ótti.
