Moldova sportshylary Vankýver Olımpıadasynyń «altyny» úshin 50 myń eýrodan syılyq alady
ASTANA. Aqpannyń 3-i. QazAqparat - Vankýverde ótetin HHІ Qysqy Olımpıadalyq oıyndarda qanjyǵalaryna altyn medal baılaıtyn moldovalyq sportshylar memleketten 50 myń eýro kóleminde syıaqy alatyn boldy.
Respýblıka úkimetinen habarlaǵandaı, eldiń premer-mınıstri Vladımır Fılat respýblıkanyń atynan Vankýver Olımpıadasynda óner kórsetetin qurama múshelerimen bolǵan kezdesýde osyndaı málimdeme jasaǵan.
V.Fılat Olımpıada oıyndarynda alǵashqy altylyqqa kiretin moldovalyq sportshylar úshin syıaqylar qarastyrylǵanyn atap kórsetti. Birinshi oryn alǵandarǵa 50 myń eýro syıaqy qarastyrylsa, kúmis júldegerler 30 myń eýro, qola júldegerlerdi 15 myń eýro syıaqy kútedi. Al tórtinshi oryn alǵan sportshylar - 10 myń eýro, besinshi orynǵa taban tiregender - 5 myń eýro, altynshy oryndy qanaǵat tutqandar 3 myń eýro syıaqyny ıemdenedi.
Vankýver Olımpıadasy aqpannnyń 12-si men 28-i aralyǵynda ótedi.
