Moldova prezıdenti Qasym-Jomart Toqaevty óz eline resmı saparmen kelýge shaqyrdy

NUR-SULTAN. QazAqparat - Qasym-Jomart Toqaev fın áriptesimen kezdesýden keıin Moldova Prezıdenti Igor Dodonmen kelissóz júrgizdi, dep habarlaıdy Aqordanyń baspasóz qyzmeti.

Kóshbasshylar saıası jáne saýda-ekonomıkalyq salalardaǵy yntymaqtastyqtyń aǵymdaǵy jaı-kúıi men damý perspektıvalaryn, sondaı-aq ekijaqty qatynastardyń quqyqtyq-sharttyq bazasyn keńeıtý máselelerin talqylady.

Memleket basshylary eki el arasyndaǵy dostyq qarym-qatynastardyń oń dınamıkasyn atap ótip, odan ári nyǵaıtýǵa daıyn ekenderin málimdedi.

Atap aıtqanda, taraptar ekonomıkalyq yntymaqtastyq jónindegi birlesken Úkimetaralyq komıssııanyń jumysyn jandandyrý qajettigin atap ótti.

Moldova prezıdenti Qasym-Jomart Toqaevty kelesi jyly Moldovaǵa resmı saparmen kelýge shaqyrdy.