Moldova prezıdenti bolyp Nıkolaı Tımoftı saılandy
ASTANA. 16 naýryz. QazAqparat - Moldova prezıdenti bolyp magıstratýra Joǵary Keńesiniń tóraǵasy Nıkolaı Tımoftı saılandy, dep habarlaıdy Ýtro.rý.
61 daýys qajet bolatyn oǵan moldavııalyq parlamenttiń 62 depýtaty daýys berdi. Kommýnıster saılaýǵa narazylyqtaryn bildirdi.
Moldova 2009 jyldan beri prezıdentsiz ómir súrgen - buǵan deıin memleket basshysyn saılaýdyń tórt áreketi iske aspady, sebebi kandıdattar qajetti daýys sanyn ala almady - 101 depýtattyń kem degende 61-niń daýysy qajet bolatyn. Saıası daǵdarystan shyǵýǵa «Eýropalyq ıntegratsııa úshin» bıleýshi alıans alǵa jyljytqan kandıdatýrany qoldaǵan sotsıalısterdiń úsh daýysy múmkindik berdi.
Nıkolaı Tımoftı 63 jasta, búkil ómirin Moldovanyń sot júıesine arnady. Kıshınev qalasynyń Memlekettik ýnıversıtetin támamdaǵan soń kásibı qyzmetin Ádilet mınıstrliginiń keńesshisi bolýdan bastaǵan, sodan keıin dáıektilikpen Kıshınev aýdandyq sottarynyń birinde sot tóreshisi, Moldova KSR Joǵarǵy keńesiniń sot tóreshisi, Joǵarǵy sottyń vıtse-tóraǵasy, qylmystyq ister boıynsha alqa basshysy qyzmetterin atqarǵan.
